2014 jylǵy 3 qarasha, Astana qalasy
Olımpıadalyq rezervtiń respýblıkalyq mamandandyrylǵan mektep-ınternattar-kolledjderi jáne sporttaǵy daryndy balalarǵa arnalǵan oblystyq mektep-ınternattar qyzmetiniń qaǵıdalaryn bekitý týraly
«Dene shynyqtyrý jáne sport týraly» 2014 jylǵy 3 shildedegi Qazaqstan Respýblıkasynyń Zańynyń 7-babynyń 48) tarmaqshasyna sáıkes buıyramyn:
1.Qosa berilip otyrǵan Olımpıadalyq rezervtiń respýblıkalyq mamandandyrylǵan mektep-ınternattar-kolledjderi jáne sporttaǵy daryndy balalarǵa arnalǵan oblystyq mektep-ınternattar qyzmetiniń qaǵıdalary bekitilsin.
2.Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti (E.B. Qanaǵatov) zańnamamen belgilengen tártipte:
1)Qazaqstan Respýblıkasy Ádilet mınıstrligine osy buıryqty memlekettik tirkeýge usynsyn;
2)osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýdy qamtamasyz etsin.
3.Osy buıryqtyń oryndalýyn baqylaý Qazaqstan Respýblıkasy Mádenıet jáne sport vıse-mınıstri T.Q. Esentaevqa júktelsin.
4.Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.MUHAMEDIULY.
«KELISILDI»
Qazaqstan Respýblıkasy
Bilim jáne ǵylym mınıstri
____________ A. SÁRINJIPOV
2014 jyly 14 qarasha
Qazaqstan Respýblıkasy Mádenıet jáne sport mınıstriniń
2014 jylǵy 3 qarashadaǵy № 69 buıryǵymen bekitilgen
Olımpıadalyq rezervtiń respýblıkalyq mamandandyrylǵan mektep-ınternattar-kolledjderi jáne sporttaǵy daryndy balalarǵa arnalǵan oblystyq mektep-ınternattar qyzmetiniń qaǵıdalary
1. Jalpy erejeler
1.Osy Olımpıadalyq rezervtiń respýblıkalyq mamandandyrylǵan mektep-ınternattar-kolledjderi jáne sporttaǵy daryndy balalarǵa arnalǵan oblystyq mektep-ınternattar qyzmetiniń qaǵıdalary (budan ári – Qaǵıda) menshik nysanyna jáne vedomstvolyq baǵynystylyǵyna qaramastan Olımpıadalyq rezervtiń respýblıkalyq mamandandyrylǵan mektep-ınternattar-kolledjderi (budan ári – ORRMMIK) jáne sporttaǵy daryndy balalarǵa arnalǵan oblystyq mektep-ınternattar (budan ári – SDBOMI) qyzmetiniń tártibin aıqyndaıdy.
2.Qaǵıdada mynadaı uǵymdar qoldanylady:
1) oqýshy – ORRMMIK jáne SDBOMI-de bilimdi alatyn tulǵa;
2) normatıvtik talaptar – oryndalýy tıisti topqa aýysý úshin negizgi shart bolyp tabylatyn oqýshylardyń sport túrlerinen belgili bir sporttyq jattyǵýlardy oryndaýyn esepke ala otyryp oqýshylarǵa qoıylatyn baqylaý-aýystyrý talaptary;
3)aýyspaly quram – oqý-jattyǵý jıyny jáne jarystar kezinde shaqyrylatyn, ORRMMIK jáne SDBOMI shtatynda jumys istemeıtin jattyqtyrýshylarmen turaqty túrde shuǵyldanatyn sportshylar.
3.ORRMMIK jáne SDBOMI bilim berý mazmuny 2012 jylǵy 23 tamyzdaǵy № 1080 Qazaqstan Respýblıkasy Úkimetiniń qaýlysymen bekitilgen Memlekettik jalpyǵa mindetti bilim berý standarttaryna sáıkes ázirlengen jumys baǵdarlamalary jáne oqý josparlarymen aıqyndalady.
Negizgi oqý josparynyń varıasııalyq bóliginiń quramyna kiretin jáne ORRMMIK jáne SDBOMI ereksheligin sıpattaıtyn oqý jumys jospary jáne oqý pánderiniń baǵdarlamalaryn mektep derbes júzege asyrady.
4.ORRMMIK jáne SDBOMI maqsattary:
1) negizgi orta, jalpy orta, kásiptik jáne tehnıkalyq biliminiń jalpy bilim berý baǵdarlamalaryn iske asyrý;
2) qalalyq, oblystyq qurama komandalar úshin sport rezervin daıyndaý, sondaı-aq, sport túrleri boıynsha Qazaqstan Respýblıkasy qurama komandasynyń jasóspirimder, jastar jáne negizgi quramyn daıyndaý.
5.ORRMMIK jáne SDBOMI kórsetilgen maqsattaryn júzege asyrý úshin kelesi mindetterdi atqarady:
1) oqýshynyń jeke qabiletterin jan-jaqty damytý, sport túrlerimen shuǵyldaný úshin qolaıly jaǵdaı jasaý;
2) jyl boıy oqý-jattyǵý sabaqtaryn tolyq kólemde uıymdastyrý jáne ótkizý;
3) qalalyq, oblystyq qurama komandalar úshin, Qazaqstan Respýblıkasy qurama komandalarynyń jasóspirimder, jastar jáne negizgi quramy úshin sport rezervi – sportshylardy daıyndaý;
4) ulttyq jáne jalpy adamgershilik qundylyq, ǵylym jáne tájirıbe jetistikteri negizinde jeke tulǵanyń qalyptastyrý, damytý jáne kásibı qalyptasýyna baǵyttalǵan sapaly bilim alýyna jaǵdaı jasaý;
5) oqýshylardy kásibı baǵdarlaý jumysymen qamtamasyz etý;
6) qoǵamnyń jáne eńbek narqynyń ózgermeli qajettilikterine kásibı bilimniń ýaqytyly beıimdelýine yqpal etetin oqytýdyń jańa tehnologııalaryn engizý jáne tıimdi qoldaný;
7) oqýshylardyń ómir súrýi jáne tamaqtanýyna qolaıly jáne qaýipsiz jaǵdaıdy qamtamasyz etý.
2. Oqýshylar kontıngentin jınaqtaý tártibi
6.ORRMMIK sport túrleriniń tizbesin jáne oqýshylar kontıngentin sporttyq dárejeleri men ataqtaryna súıene otyryp, dene shynyqtyrý jáne sport salasyndaǵy ýákiletti organnyń (budan ári – ýákiletti organ) kelisýi boıynsha qurastyrylady.
SDBOMI sport túrleriniń tizbesin jáne oqýshylar kontıngentin sporttyq dárejeleri men ataqtaryna súıene otyryp, dene shynyqtyrý jáne sport salasyndaǵy jergilikti atqarýshy organnyń (budan ári – jergilikti atqarýshy organ) kelisýi boıynsha qurastyrylady.
7.ORRMMIK kontıngenti balalar men jasóspirimder sport mektepterinde nemese oblystyq sportta daryndy balalarǵa arnalǵan mektep-ınternattarda aldyn ala daıyndyqtan ótken jáne tańdap alynǵan sport túri boıynsha jalpy dene jáne arnaıy dene daıyndyǵynan emtıhan tapsyrǵan oqýshylardan jınaqtalady.
SDBOMI kontıngenti balalar men jasóspirimder sport mektebinde aldyn ala daıyndyqtan ótken jáne tańdap alynǵan sport túri boıynsha jalpy dene jáne arnaıy dene daıyndyǵynan emtıhan tapsyrǵan oqýshylardan jınaqtalady.
8.Negizgi jáne jalpy orta bilim berý baǵdarlamasy boıynsha oqýǵa túsýshilerdi sapaly irikteýdi qamtamasyz etý maqsatynda tıisti qarjylyq jylǵa bekitilgen bıýdjet sheńberinde ORRMMIK jáne SDBOMI sportshylardyń aýyspaly quramymen oqý-jattyǵý jıyndaryn uıymdastyrady.
9.ORRMMIK jáne SDBOMI-ge qabyldaý tártibi 2012 jylǵy 19 qańtardaǵy № 127 Qazaqstan Respýblıkasy Úkimetiniń qaýlysymen bekitilgen Bastaýysh, negizgi orta jáne jalpy orta bilimniń jalpy bilim beretin oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalarynyń 5-taraýyna sáıkes júzege asyrylady.
Eskertý: Qazaqstan Respýblıkasynyń chempıondary, álem, Azııa chempıonattarynyń, Olımpıada jáne Azııa oıyndarynyń júldegerleri ORRMMIK-ke áńgimelesý nátıjesi boıynsha qabyldanady.
10.Oqý synyptary Qaǵıdanyń qosymshasynda kórsetilgen normatıvtik talaptarǵa sáıkes jınaqtalady.
11.Jergilikti atqarýshy organnyń usynysy boıynsha ORRMMIK jáne SDBOMI bekitilgen aýmaq sheńberinde, mektep jasyndaǵy balalardy derbes (aty-jóni boıynsha) esepke alýdy júrgizedi.
12.ORRMMIK jáne SDBOMI oqýshylary kelesi negizdemeler boıynsha oqýdan shyǵarylady:
1)zańdy ókilderdiń kelisken jaǵdaıda óz erkimen;
2)densaýlyq jaǵdaıyna baılanysty (medısınalyq qorytyndy negizinde);
3) basqa oqý ornyna aýysýyna baılanysty;
4) akademııalyq úlgermeýshiligi úshin;
5) oqý tártibin, ishki tártip erejelerin, sporttyq daıyndyq rejımin buzǵany úshin;
6) sporttyq nátıjelerdiń tómendeýi jáne Qaǵıdanyń qosymshasynda belgilengen normatıvtik talaptardy oryndamaýy sebebinen;
7) Dúnıejúzilik dopıngke qarsy agenttik tyıym salǵan sýbstansııalar jáne ádisterdi qoldanǵany úshin.
3. Oqý-tárbıe jáne oqý-jattyǵý prosesterin uıymdastyrý tártibi
13.ORRMMIK jáne SDBOMI-de oqý baǵdarlamasyna, sport túrleri boıynsha jattyǵý jáne jarystyq daǵdylarǵa sáıkes qajetti bilim alýǵa baǵyttalǵan oqý-tárbıe jáne oqý-jattyǵý prosesteri júzege asyrylady.
14.ORRMMIK jáne SDBOMI-degi oqý-tárbıe jáne oqý-jattyǵý prosesterin josparlaý ORRMMIK jáne SDBOMI basshysynyń oqý jylyna oqý-tárbıe jáne oqý-jattyǵý prosesteri kestesin jáne teorııalyq jáne tájirıbelik sabaqtar kestesin bekitý arqyly júzege asyrylady.
15.Oqý-jattyǵý prosesiniń negizgi nysandary toptyq oqý-jattyǵý jáne teorııalyq sabaqtar, jeke jospar boıynsha jumys, medısınalyq-qalpyna keltirý is-sharalary, oblystyq, respýblıkalyq jáne halyqaralyq sporttyq
is-sharalarǵa, sporttyq jarystarǵa, matchtyq kezdesýlerge, oqý-jattyǵý jıyndaryna qatysý, sporttyq saýyqtyrý lagerlerinde bolý, nusqaýshylyq jáne tóreshilik tájirıbe bolyp tabylady.
Sport túrleri boıynsha bólimshelerde oqý-jattyǵý sabaqtary 52 oqý aptasyna eseptelgen oqý baǵdarlamalary jáne oqý josparlary boıynsha júrgiziledi.
16.ORRMMIK jáne SDBOMI oqýshylardy:
jataqhanamen;
tamaqtanýmen;
sport formalarymen jáne arnaıy sport kıim-keshekterimen;
sporttyq múkammal jáne qural-jabdyqtarmen;
oqý ádebıetterimen;
issaparǵa jiberilgen kezeńdegi issapar shyǵyndaryn qamtamasyz etedi.
5. Kadrlyq qamtamasyz etý tártibi
17.ORRMMIK jáne SDBOMI-de qyzmetkerlerdi jınaqtaý tártibi onyń Jarǵysymen jáne 2008 jylǵy 30 qańtardaǵy № 77 Qazaqstan Respýblıkasy Úkimetiniń qaýlysymen bekitilgen Memlekettik bilim berý uıymdary qyzmetkerleriniń úlgi shtattarymen belgilenedi.
18.Arnaıy pedagogıkalyq nemese tıisti beıini boıynsha kásiptik bilimi bar tulǵalarǵa pedagogıkalyq qyzmetpen shuǵyldanýǵa ruqsat etiledi.
Bilim berý uıymdarynda jumys isteýge pedagogıkalyq qyzmetke sot úkimi nemese medısınalyq qorytyndymen tyıym salynǵan, sondaı-aq, belgilengen zańnamalyq tártipte jazasy ótelmegen jáne sottalǵandyǵy keshirilmegen tulǵalarǵa ruqsat etilmeıdi.
19.ORRMMIK jáne SDBOMI-de bilim alýshylardyń úlgerimine aǵymdaǵy baqylaý, aralyq jáne qorytyndy memlekettik attestattaý júrgizý 2008 jylǵy 18 naýryzdaǵy № 125 Qazaqstan Respýblıkasy Bilim jáne ǵylym mınıstriniń buıryǵymen bekitilgen, № 5191 Normatıvtik quqyqtyq aktilerdi memlekettik tirkeý tiziliminde tirkelgen Bilim alýshylardyń úlgerimin aǵymdaǵy baqylaý, aralyq jáne qorytyndy memlekettik attestattaý júrgizýdiń úlgi erejesine sáıkes júzege asyrylady.
20.ORRMMIK jáne SDBOMI-de oqýshylardyń oqýy men tárbıesiniń, oqytýshylardyń pedagogıkalyq sheberliginiń sapasyn arttyrý jáne ádistemelik jumystardy jetildirý maqsatynda oqý-tárbıe jáne oqý-jattyǵý prosesterine tikeleı qatysatyn pedagogıkalyq jáne basqa qyzmetkerlerdi biriktiretin jáne basqarýdyń alqalyq organy bolyp tabylatyn pedagogıkalyq keńes qurylady.
21.ORRMMIK jáne SDBOMI-de oqý-tárbıe jáne oqý-jattyǵý prosesteriniń, oqýshylardy daıyndaýdy jeke josparlaý, sporttyq jarystarǵa qatysý máselelerin qarastyratyn, jattyǵý prosesi ádistemesin jetildirý, sońynan talqylanatyn jáne tájirıbe almasatyn ashyq jattyǵý sabaqtaryn ótkizý jóninde oqytýshy-jattyqtyrýshylardyń habarlamalary men baıandamalary tyńdalatyn konsýltatıvtik-keńestik organ bolyp tabylatyn jattyqtyrýshylar keńesi qurylady.
22.ORRMMIK jáne SDBOMI-degi sabaq kestesin, onyń basshysy nemese ony almastyratyn tulǵa bekitedi.
Sabaq kestesinde kúndelikti oqý sabaqtarynyń sany, uzaqtyǵy jáne rettiligi kórsetiledi.
ORRMMIK jáne SDBOMI-de sabaq kestesinde oqýshylardyń tamaqtanýy jáne belsendi demalýy úshin úzilis qarastyrylǵan.
23.ORRMMIK jáne SDBOMI-de oqýshylarǵa akademııalyq demalys berý «Bilim týraly» 2007 jylǵy 27 shildedegi Qazaqstan Respýblıkasynyń Zańynyń 47-baby 5) tarmaqshasyna sáıkes júzege asyrylady.
24.Medısınalyq qyzmetker oqýshylardyń densaýlyǵyn saqtaý jáne nyǵaıtý, sanıtarlyq-gıgıenalyq talaptardy saqtaý, aldyn alý is-sharalaryn júrgizýdi qamtamasyz etedi, sondaı-aq, oqýshylardyń táýlik boıy turatynyn eskere otyryp, gıgıenalyq turǵydan negizdelgen jumys tártibin uıymdastyrady.
25.Medısınalyq qamtamasyz etý, fýnksıonaldy dıagnostıka jáne qalpyna keltirý is-sharalaryn ótkizý úshin ORRMMIK jáne SDBOMI medısınalyq bólimshemen (kabınetpen), qajetti ǵımaratpen jáne qural-jabdyqpen qamtamasyz etiledi.
Olımpıadalyq rezervtiń respýblıkalyq mamandandyrylǵan mektep-ınternattar-kolledjderi
jáne sporttaǵy daryndy balalarǵa arnalǵan oblystyq mektep-ınternattar qyzmetiniń qaǵıdalaryna qosymsha
Olımpıadalyq rezervtiń respýblıkalyq mamandandyrylǵan mektep-ınternattar-kolledjderiniń jáne sporttaǵy daryndy balalarǵa arnalǵan oblystyq mektep-ınternattarynyń synyptaryn jınaqtaý úshin sporttyq daıyndyq boıynsha normatıvtik talaptar
Sport túrleri Q/J Synyptar
5 6 7 8 9 10 11
Badmınton Q/J - - 3 razrıad 2 razrıad 1 razrıad SShÚ SSh
Boks Q/J - - 1 jasóspirimder razrıady 2 razrıad 1 razrıad 1 razrıad SShÚ
Erkin, áıelder jáne grek-rım kúresi J/Q - - 1 jasóspirimder razrıady 2 razrıad 2 razrıad 1 razrıad 1 razrıad
Dzıýdo J/Q - - 1 jasóspirimder razrıady 2 razrıad 1 razrıad 1 razrıad SShÚ
Velosıped sporty
(shosse, trek) J - - 2 razrıad 2 razrıad 1 razrıad SShÚ SShÚ
Q - - 1 jasóspirimder razrıady 2 razrıad 2 razrıad 1 razrıad SShÚ
Sporttyq gımnastıka Q 2 razrıad 1 razrıad SShÚ SShÚ SSh SSh HDSSh
J 3 razrıad 2 razrıad 1 razrıad SShÚ SShÚ SSh SSh
Kórkem gımnastıka Q 2 razrıad 1 razrıad SShÚ SShÚ SShÚ/SSh SShÚ SShÚ
Akademııalyq esý Q/J - - 1 jasóspirimder razrıady 2 razrıad 1 razrıad 1 razrıad SShÚ
Baıdarka men kanoede esý Q/J - - 1 jasóspirimder razrıady 2 razrıad 1 razrıad 1 razrıad SShÚ
Basketbol, voleıbol, gandbol,
fýtbol Q/J - - 2 jasóspirimder razrıady 2 jas-óspirim-der razrıady 1 jas-óspirim-der razrıady 2 razrıad 1 razrıad
Sý doby Q/J - - 1 jasóspirimder razrıady 2 razrıad 1 razrıad 1 razrıad SShÚ
Jeńil atletıka Q/J - - 1 jasóspirimder razrıady 3 razrıad 2 razrıad 2 razrıad 2razrıad
Ústel tennısi Q/J - - 2 razrıad 2 razrıad 1 razrıad 1 razrıad SShÚ
Júzý Q 3 razrıad 3 razrıad 2 razrıad 2 razrıad 1 razrıad 1 razrıad SShÚ
J 1 jas-óspirim-der
razrıady 3 razrıad 3 razrıad 2 razrıad 2 razrıad 1 razrıad SShÚ
Sýǵa sekirý Q/J 3 razrıad 2 razrıad 1 razrıad 1 razrıad SShÚ SShÚ SSh
Batýtta sekirý Q/J - - 2 razrıad 1 razrıad SShÚ SShÚ SSh
Úılesimdi júzý Q 3 razrıad 2 razrıad 2 razrıad 1 razrıad SShÚ SShÚ SSh
Qazirgi bessaıys Q/J - - 1 razrıad qos-saıys boıynsha,
2 razrıad júzý boıynsha 1 razrıad úshsaıys boıynsha 1 razrıad tórtsaıys boıynsha 1 razrıad qazirgi bessaıys boıynsha SShÚ qazirgi bessaıys boıynsha
Nysana kózdeý, stend atý,
sadaq atý Q/J - - 2 razrıad 1 razrıad 1 razrıad/SShÚ SShÚ SShÚ
Taekvondo Q/J - - 3 razrıad 2 razrıad 1 razrıad 1 razrıad SShÚ
Tennıs Q/J - - 2 razrıad 1 razrıad 1 razrıad SShÚ SShÚ
Trıatlon Q/J - - 3 razrıad (júzý, júgirý) 2 razrıad 1 razrıad SShÚ SShÚ
Aýyr atletıka, semserlesý Q/J - - 1 jasóspirimder razrıady 2 razrıad 1 razrıad SShÚ SShÚ
Bıatlon Q/J - - 1 jas-óspirimder razrıady 2 razrıad 1 razrıad 1 razrıad SShÚ
Taý shańǵy sporty, shańǵy qossaıysy Q/J - - 1 jasóspirimder razrıad 2 razrıad 1 razrıad 1 razrıad SShÚ
Konkımen júgirý sporty Q/J - - 1 jasóspirimder razrıady 2 razrıad 1 razrıad 1 razrıad SShÚ
Shańǵy jarysy sporty Q/J - - 1 jasóspirimder razrıady 2 razrıad 1 razrıad 1 razrıad SShÚ
Kerlıng Q/J - - - 3 razrıad 2 razrıad 1 razrıad SShÚ
Tramplınnen shańǵymen sekirý Q - 1 jas-óspirim-der razrıady 3 razrıad 2 razrıad 1 razrıad SShÚ SShÚ
Shana sporty Q/J - - 3 razrıad 2 razrıad 1 razrıad SShÚ SShÚ
Snoýbord Q/J - - 3 razrıad 2 razrıad 1 razrıad 1 razrıad SShÚ
Frıstaıl Q/J 1 jas-óspirim-der razrıady 3 razrıad 2 razrıad 1 razrıad 1 razrıad SShÚ SSh
Máńerlep syrǵanaý Q/J 1 jas-óspirim-der razrıady 3 razrıad 1 razrıad SShÚ SShÚ SShÚ SShÚ
Short-trek Q/J 2 jas-óspirim-der razrıady 1 jas-óspirimder razrıady 2 razrıad 1 razrıad 1 razrıad SShÚ SShÚ
Shaıbaly hokkeı Q/J - - 2 jasós-pirimder razrıady 1 jasós-pirimder razrıady 3 razrıad 2 razrıad 1 razrıad
Eskertý: abbrevıatýralardyń tolyq jazylýy:
Q – qyzdar;
J – jasóspirimder;
QR – Qazaqstan Respýblıkasy;
SShÚ – Qazaqstan Respýblıkasynyń sport sheberine úmitker;
SSh – Qazaqstan Respýblıkasynyń sport sheberi;
HDSSh – Qazaqstan Respýblıkasynyń Halyqaralyq dárejedegi sport sheberi.
Buıryq Qazaqstan Respýblıkasynyń Ádilet mınıstrliginde 2014 jylǵy 9 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №9947 bolyp engizildi.